კოკა კვინიკაძე: ემიგრანტებისგან აუცილებლად მიიღებენ ადეკვატურ რეაქციას და აგრესიას

"ხელისუფლების დახმარება ემიგრანტების მიმართ, ორ წელიწადში ერთხელ გამოიხატება რამდენიმე წიგნის ან კიდევ ქართული ჩოხის ჩუქებაში"

ამ დღეებში თბილისში გამართულ  ე.წ. ქართული დიასპორის დღეებზე, პრემიერ-მინისტრმა ირაკლი ღარიბაშვილმა განაცხადა, რომ მთავრობის სარეზერვო ფონდიდან დიასპირული ორგანიზაციების დასახმარებლად სოლიდური თანხა გამოიყოფოდა. Mმის ერთ-ერთ ბრძანებულებაში კი, რომელიც 2013 წლის 13 დეკემბრით თარიღდება დაკონკრეტებულია თანხის მიმართულებებიც.  ამ ჩამონათვალმა, უცხოეთში მცხოვრები ქართველები ძალიან გააღიზიანა. მათი თქმით, ღარიბაშვილის ნათქვამი არის ხელისუფლების მორიგი ფეარკამპანია და ტყუილი დაპირება, რომელიც საქართველოში მცხოვრები ამომრჩევლის მოსატყუებლად არის გამიზნული. სინამდვილეში, საქართველოს ხელისუფლებას ემიგრანტები საერთოდ არ აინტერესებსო. 

    კოკა კვინიკაძე, საფრანგეთში მცხოვრები ქართველი ემიგრანტი:

   _ საქართველოში ჩატარებული დიასპორის დღეებით, ჩვენც და მსოფლიოსაც საქართველოს მთავრობამ განუცხადა, რომ ქართველ ემიგრანტებს არ ივიწყებს. დიასპორის სამინისტროში დასაქმებულია უამრავი ადამიანი და ამით მათ ე.წ. საქმიანობასაც გამართლება მიეცა. სინამდვილეში, სახელმწიფოს მიდგომა დიასპორასთან მიმართებაში იმ თანხებზე აისახება, რომელიც ამ კუთხით გამოყო. ახლავე აგიხსნით ყველაფერს: 2013 წლის ბიუჯეტში, დიასპორის სამინისტროს გამოყოფილი ჰქონდა  522 ათასი ლარი.  თუმცა ამ თანხიდან 70 ატასი დიასპორის აპარატს მოხმარდა, 122 ათასი _ სამდღიან კონფერენციას, რომელიც ახლახანს ჩაატარეს, 330 ათასი ლარი კი გადაიდო უცხოეთში მცხოვრები თანამემამულეების, დიასპორული ორგანიზაციების, საკვირაო ქართული სკოლების, შემოქმედებითი კოლექტივებისა და მხარდამჭერი ღონისძიებების დასაფინანსებლად. Mმხოლოდ 330 ლარს აძლევენ მთელი წლის განმავლობაში მთელ უცხოურ დიასპორას, სამდღიან კონფერენციაში, სადაც  საკუთარ თავებს წარმოაჩენენ 122 ათასს იხდიან. რა თანხითაც მთელი წლის განმავლობაში უცხოეთში მცხოვრები თანამემამულეები ვითომ დააფინანსეს, მის ნახევარს სამ დღეში ხარჯავენ დაAამ მიდგომით ვხვდებით, რამდენად სერიოზული დამოკიდებულება აქვს მეოცნებე ხელისუფლებას ქართველი ემიგრანტების მიმართ. Dდასკვნა ერთია: საერთოდ არ აინტერესებთ დიასპორა. მათი ინტერესია ვითომ დიასპორაზე ზრუნვის წარმოჩენა.

   ახლა შევეხები იმ 330 ლარს, რომელიც თითქოს უცხოეთში, ქართული საკვირაო სკოლებისა და გარკვეული ღინისძიებებისათვის იხარჯება. მილიონნახევარი ადამიანია გასული საქართველოდან სხვადასხვა ქვეყნებში და ამ თანხით ყველას დახმარება არის დაცინვა. ხელისუფლების მხოლოდ ერთი ჩინოვნიკი იღებს ამ ოდენობის თანხას პრემიის სახით, ხელფასზე აღარაფერს ვამბობ. სიმართლე კი არის ის, რომ ქართულ საკვირაო სკოლებს დაფინანსება საერთოდ არ აქვთ. Mპირადად მაქვს შეხება საკვირაო სკოლასთან და ვიცი, რა როგორ არის. ჩემს მეუღლეს საფრანგეთში, ლიონში აქვს გახსმნილი ქართული ასოციაცია და იქ არის დაარსებული ქართული საკვირაო სკოლაც, ქართული ცეკვის წრე და კიდევ სხვა ჯგუფები, რომელიც ქართველებს გარკვეულწილად შეუმსუბუქებს საქართველოსთან განშორებას. Aარც წინა ხელისუფლების დროს და არც ახლა, ამ ასოციაციას და აქედან გამომდინარე საკვირაო სკოლას  აქაური ხელისუფლებისგან დახმარება არ მიუღია. იმის გამო, რომ არანაირი მხარდაჭერა არ ქონდა და თანხები არ მოეპოვებოდა, დროებით ყველაფერის შეჩერება მოხდა. ცხადია შევხვდით საქართველოს  ხელისუფლების წარმომადგენლებს და ვუთხარით, თუკი იქნებოდა ოდნავი მხარდაჭერა, სკოლას აღვადგენდით, რომ ლიონში მაცხოვრებელ ქართველებს ეს სკოლა ძალიან სჭირდებათ. Mმინიმალური თანხებით დახმარებაზე იყო საუბარი. მიუხედავად იმისა, რომ ხელისუფლების ბევრმა წარმომადგენელმა კარგად იცის ამ სკოლის არსებობის ამბავი, დახმარებისთვის არავინ შეგვხმიანებია. სოციალურ ქსელში მე და ჩემს მეუღლეს ამ ხელისუფლების ყველა თანამდებობის პირი გვყავს დამეგობრებული, მაგრამ მათგან გამოხმაურება არასდროს ყოფილა. ამიტომაც სად მიდის ჩვენთვის, ემიგრანტებისთვის გამოყოფილი თანხები, ესეც გაუგებარია. თუ სადმე თავად ჰყავთ ნათესავი, ახლობელი და მას ეხმარებიან, ეგ არ ვიცი.

    _ საფრანგეთის სხვა ქალაქებშიც ხომ ცხოვრობენ ქართველები და იქ რა მდგომარეობაა ამ მხრივ ალბათ გეცოდინებათ?!

   _ ყველგან ერთნაირი სიტუაციაა. საქართველოს ხელისუფლების დახმარება ემიგრანტების მიმართ, ორ წელიწადში ერთხელ გამოიხატება რამდენიმე წიგნის ან კიდევ ქართული ჩოხის ჩუქებაში. Eეს არის და ეს, რაც რეალურად დახმარება არ არის, უფრო  დაცინვაა. პარიზში არის კარგი ქართული საკვირაო სკოლა რომელსაც მსხვილი ქართველი ბიზნესმენები აფინანსებენ და მათით უდგა სული.

    ივნისში, საფრანგეთში იგეგმება ყველა ქვეყნის საკონსულოს დღეები. საქართველოს საელჩომ უნდა უზრუნველყოს ღონისძიების ტექნიკური მხარე _ ბუკლეტების დამზადება და ა.შ. ჩვენ ხალხის მიღება-გასტუმრება გვავალია სამი დღის განმავლობაში, რასაც ცხადია ჩვენი სახსრებით და ენთუზიამით ვაკეთებთ. საფრანგეთის სახელმწიფომ გამოგვიყო ტერიტორიაც. ვთხოვეთ საელჩოს, იქნებ ქართული ღვინო ჩამოიტანოთ და წარვუდგინოთ სტუმრებსო, მაგრამ როგორც ჩანს, მაგაზეც ფინანსური პრობლემები შეექმნათ. საელჩოს ცალკე დაფინანსება აქვს, ის თანხა კი რაც წეღან დავასახელეთ, დიასპორის სამინისტროს აქვს გამოყოფილი, მაგრამ რეალურად, არცერთი კუთხიდან დაფინანსება ჩვენამდე არ მოდის და რატომ ატყუებენ ხალხს, თითქოს  ვინმე ემიგრაციას აფინანსებს, გაუგებარია. ლიონის  მერიამ ქართულ ასოციაციას გამოუყო 2700 ევრო და დარბაზის დაქირავებასა და სხვა გადასახადებში შეეშველა. ღონისძიებების დროს დარბაზში ნახევარს თავად ვამატებდით. არაერხელ მივმართეთ დიასპორის სამინისტროს, მაგრამ საქართველოს მხარე არაფერში არ გვეხმარება. საფრანგეთის სახელმწიფო გვერდში გვიდგება და ესენი უარს გვეუბნებიან და რაღაზე უნდა ვილაპარაკოთ?! შეიძლება ახლა იუარონ, მაგრამ მათ ჩვენი მდგომარეობა  არ აინტერესებდათ და სურგულაძის სამინისტროდან ყოველთვის ვიღებდით ერთსა და იგივე პასუხს _ თანხები არ არისო. Aახალი ხელისუფლება რომ მოვიდა, თავად მინისტრს გავესაუბრეთ და  სწორედ ის შეგვპირდა, ბიუჯეტში განიხილება გარკვეული დაფინანსებები და რაღაცეები აუცილებლად გამოსწორდებაო. სინამდვილეში ორი წელი ისე გაიყვანეს, არაფერიც არ გამოასწორეს.

     _ პრემიერ მინისტრის თქმით, იხსნება ონლაინ სკოლა, რომელიც უცხოეთში გადახვეწილი ქართველებისთვის  იქნება დიდი შეღავათი და გვერდში ამოდგომა. Aამ სკოლის შესახებ რა იცით, ან მიგაჩნიათ თუ არა ასე, ქართველების ეროვნული მენტალიტეტის ამაღლება?

    _ ეს Eგანცხადებაც მხოლოდ პიაარზეა გათვლილი. Mროცა ღარიბაშვილმა ეს თქვა, მან დააყოლა კიდევაც, რომ გაიხსნა საიტი თანამემამულე ჯი, სადაც ბევრი ინფორმაციაა და ონლაინ სკოლაც ამ გვერზე ფუნქციონირებსო. ვისაც აინტერესებს შეუძლია შევიდეს ამ გვერდზე და ნახავს, რომ იქ არც ონლაინსკოლაა და არც დაანონსებულია ამის შესახებ. ამ საიტის  გარეკანზე დევს რამდენიმე ფოტო და ზოგადი ინფორმაცია, მერე ცალ-ცალკეა ჩამოთვლილი: კულტურა, ბიზნესი, პოლიტიკა, სპორტი, მაგრამ რომელზეც არ უნდა შეხვიდეთ, ცარიელი გვერდი დაგხვდებათ. საიტი არ ფუნქციონირებს. გამოდის, რომ ღარიბაშვილმა გააკეთა პროზენტაცია იმისი, რაც სინამდვილეში არ არსებობს. Aასე აკეთებდა სააკაშვილიც. დიდი აჟიოტაჟით ხნიდა იმას, რაც ბუნებაში ჯერ არ იყო და ესენიც ასე იქცევიან. Mმიშამ 4-ჯერ გახსნა რუსთავის მე-6 სასჯელაღსრულების დაწესებულება, არადა მხოლოდ ერთი საკანი იყო გარემონტებული და სულ იმის წინ იდგა როცა აფიარებდა. Aსინამდვილეში 4 წლის მერე გაიხსნა ეს დაწესებულება. Aასე იყო 100 საავადმყოფოს გასხნის საქმეც. Fმხოლოდ ფასადებს არემონტებდნენ და დაწესებულებებს ისე ხსნიდნენ და გამოდის, რომ ეს ხელისუფლებაც იგივეს აკეთებს. Dდააანონსეს,  ონლაინ სკოლა გაიხსნაო, საიტიც მიუთითა და არ არის გახსნილი.  Aამ ვებგვერდზე მხოლოდ ფასადური ინფორმაციებია და სხვა არაფერი.

  _ უცხოეთში საკვირაო სკოლების ვითომ დაფინანსება და ონლაინ სკოლის გახსნა  უცხოეთში მცხოვრებლებისათვის, ერთმანეთთან პარადოქსულ მდგომარეობას არ ქმნის?

    _ ვისაც პედაგოგიკასთან შეხება ოდნავ მაინც ჰქონია აუცილებლად გეტყვით, რომ ეს არ არის რეალური სწავლება და პრაქტიკულად გამართლებული საქმე. თუ ბავშვი ონლაინსკოლაში ისწავლის, მაშინ ინტერნეტში ისედაც არის ზღვა ინფორმაია და იქიდან ისწავლის ყველაფერს. სპეციალურად ამისათვის რაიმე ახლის გახსნა და ფულის ხარჯვა საჭირო სულაც არ არის. სკოლა სულ სხვა  ფენომენია და ეს უნდა ესმოდეს ამ ხელისუფლებას. როცა მასწავლებელი ბავშვს უშუალოდ ეკითხება გაკვეთილს, სთხოვს წინა გაკვეთილზე რაც ისწავლა იმის ჩაბარებას და გამეორებას, აძლევს დავალებებს, ამას ონლაინ სწავლება და ინტერნეტით მიღებული განათლება ნამდვილად ვერ შეცვლის. თუ ონლაინსკოლა უფრო წარმატებულია და პრაქტიკული,  მაშინ საქართველოშიც დახურინ სკოლები, ონლაინსკოლები გააკეთონ  და უფრო ნაკლები ხარჯი ექნება ქვეყანას. თავად კარგად იციან ეს რაც არის, მაგრამ ფეარისთვის ხდება ყველაფერი. წინა ხელისუფლებაც ფეარზე იყო გადასული და ესენიც მათ კვალს მიყვებიან და ხალხისთვის, ემიგრანტებისთვის ხელისუფლებას სინამდვილეში არა სცალია. Mმილიონ ნახევარი სხვა ქვეყანაში გახიზნული ქართველი, საქართველოს ხელისუფლებას ჰყავს მოძულებული და ეს რაც ახლა ითქვა და გაკეთდა, ამის ნათელი მაგალითია. Mარჩევნების დროს მხოლოდ ამ ადამიანების ხმები უნდათ. Mმილონ ნახევარი ადამიანის ნამრავლი _ შვილები, შვილიშვილები და წარმოდგინეთ რამდენ ადამიანს კარგავენ. ქართველი რომელმაც ქართული არ იცის და სახელმწიფო ელემენტარულს არ აკეთებს იმისათვის, რომ მან თავისი გენი და ჯიში არ დაკარგოს, პირობებს არ უქმნის ქართული ისწავლოს, ამას მოკვეთა ჰქვია. ილიამ თქვა: `ენა, მამული, სარწმუნოებაო~. Aაქ წამოსული ქართველების შვილებს ქართული ენა დაკარგული აქვთ, მამული _ თავისთავად არ გააჩნიათ, რადგან აქ ცხოვრობენ. მამულს და ენას რომ კარგავენ, თავისთავად სარწმუნოებაც ეკარგებათ და ეს არის გადაჯიშება. ასეთი ქართველი აღარც საქართველოში დაბრუნდება არასდროს და არც ჩვენს ქვეყანას გამოადგება რაიმეში.

    _ მოკლედ, გინდა მითხრათ, რომ ახალმა ხელისუფლებამ არ იცის ამ ნაბიჯებით სინამდვილეში რას აკეთებს, თუ კიდევ სხვა რამესთან გვაქვს საქმე?!

    _ ის რაც ღარიბაშვილმა თქვა, წინასაარჩევნოდ  საქართველოში მცხოვრებ ამომრჩეველზეა გათვლილი. უნდათ მათ იფიქრონ, რომ სახელმწიფო ყველა სფეროში ზრუნავს თავის ხალხზე და ემიგრანტებიც არა რჩებათ თვალსა და გილს მიღმა. Aასე უნდათ ხალხისგან კვლავ მიიღონ სასურველი ხმები. ქართველმა ამორჩეველმა არ იცის ემიგრანტების რეალური მდგომარეობა და შეიძლება დაიჯეროს მათი ნათქვამი და ამ ნიშნით მართლაც შემოხაზოს არჩევნებზე სახელმწიფო გუნდის ნომერი, მაგრამ დამიჯერეთ, ლიონში, ქართველი ოჯახები რომელთაც პატარა ბავშვები ჰყავთ გვეხვეწებიან, იქნებ ქართული საკვირაო სკოლა აღვადგინოთო, მაგრამ არანაირი სახსარი არ არის ამისათვის. აი, თქვენი გაზეთის საშუალებით მივმართავ ღარიბაშვილსა და სურგულაძეს, თუ შემოვიდნენ ფეისბუკზე,  ლიონის.გე-ზე,  ქართული ასოციაციის გვერდზე და ნახონ აქტივობა ფოტოების, რა აქვს ამ ორგანიზაციას  გაკეთებული თავისი სახსრებით, როგორი სწავლება იყო საკვირაო სკოლაში და მერე თქვან დანარჩენი. მივმართავ მათ, დაგვაფინანსეთ თუ ეს თანხები მართლაც გაქვთ ემიგრაციისთვის და არა პირადი მოხმარებისთვის. ჯერჯერობით ემიგრატებისთვის სასიკეთო რომ არაფერი ხდება, ყველა ვხედავთ. თუU ასე არ არის, გავმართოთ ტელეხიდი და დამიჯდეს დებატებში ნებისმიერი ჩინოვნიკი ვისაც ამ სფეროსთან რაიმე შეხება აქვს. რეალობით უცებ გავუცამტვერებ  ყველანაირ  ლოგიკას. Kკიდევ ვიმეორებ, რასაც ესენი ამბობენ არის ბლეფი და სხვა არაფერი. ამ საუბრებით ემიგრანტებისგან აუცილებლად მიიღებენ ადეკვატურ რეაქციას და აგრესიას. უნდა დასრულდეს ხელისუფლებისგან ხალხის მისამართით წამოსული ამდენი ტყუილი, რადგან ეს მათთვისაც არ იქნება სიკეთის მომცემი.

ანკა ბაზერაშვილი, გაზეთი "პრემიერი"

FaceBook