რატომ დაკარგეს ქართველებმა ქველმოქმედების უნარი?

“ქველმოქმედების უნარი ასეთ მოსახლეობას ნაკლებად აქვს”

საქართველო ქველმოქმედების მსოფლიო რეიტინგში The 2013 World Giving Index”“ 116-ე პოზიციაზეა. ბრიტანულმა საქველმოქმედო ორგანიზაცია Charity Aid Foundation(CAF)-მა ქველმოქმედების მსოფლიო რეიტინგი გამოაქვეყნა, რომლის მიხედვითაც ირკვევა, რომ საქართველო რეიტინგში “თჰე 2013 ჭორლდ Gივინგ Iნდეხ” 116-ე ადგილზეა და თავის მეზობელ აზერბაიჯანსა (69-ე ადგილი) და სომხეთს (113-ე ადგილი) ჩამორჩება. თურქეთი აღნიშნულ რეიტინგში 128-ე ადგილზეა, ხოლო რუსეთი 123-ეზე. რეიტინგში პირველ ადგილზე აშშ-ია, ხოლო მეორე ადგილს სამი ქვეყანა იკავებს, ესენია: კანადა. ახალი ზელანდია და მიანმარი. აღსანიშნავია, რომ მსოფლიო რეიტინგში, საქართველოსთან ერთად, 116-ე ადგილზე ვიეტნამიცაა. რეიტინგში 102-ე ადგილზე უკრაინაა, ხოლო ყაზახეთი 66-ე პოზიციაზეა. ბელორუსი მსოფლიო რეიტინგში 93-ე ადგილზეა. 2013 წლის მსოფლიო რეიტინგში სულ 135 ქვეყანა მონაწილეობს და ბოლო 135-ე ადგილზე საბერძნეთია. ავტორებმა რეიტინგის შედგენისას შემდეგი კრიტერიუმებით იხელმძღვანელეს: საქველმოქმედო ორგანიზაციების შეწირულობის დონე, საქველმოქმედო საქმიანობებში მოქალაქეების ჩართულობის ხარისხი და ასევე, უცხო ადამიანებისადმი ხელის გაწვდენისა და დახმარების დონე. რატომ დაკარგეს ქართველებმა ქველმოქმედების უნარი? ამ საკითხზე “პრემიერი” ექსპერტ რამაზ საყვარელიძეს ესაუბრა:

_ რადგან რეიტინგები დგება ზოგადი სტატისტიკური მონაცემების საფუძველზე, მათ შორის გამოკითხვების, როგორც ჩანს, ამ მონაცემებში არ აისახა ის, რომ მოსახლეობა ჩართულია ამ პროცესში. ეს, პრინციპში, გასაკვირი არ არის ბევრი მიზეზის გამო, მათ შორის იმის გამო, რომ, როცა მოსახლეობაში ეკონომიკური დონე არ არის საშუალო სიმაღლეზე, ქველმოქმედების უნარი ასეთ მოსახლეობას ნაკლებად აქვს.

_ ამ რეიტინგში საქართველოზე წინ არიან ის ქვეყნები, მაგალითად, სომხეთი, აზერბაიჯანი, სადაც მოსახლეობის ცხოვრების დონე, ეკონომიკური თვალსაზრისით, საქართველოზე უკეთესი არ არის...

_ შეიძლება ეს ქვეყნები ჩვენზე დიდი ქველმოქმედები არ იყვნენ, მაგრამ იქ არ ვიცი, ქველმოქმედებასთან მიმართებაში კანონმდებლობა როგორია, რომელიც ასევე ძალიან მნიშვნელოვანია.…

_ ანუ ფიქრობთ, რომ საქართველოს კანონმდებლობა ზღუდავს ქველმოქმედებას? ამ რეიტინგში საქართველო და ვიეტნამი ერთ პოზიციაზე _ 116-ე ადგილზე არიან...

_ არ ვიცი, ვიეტმანი არის თუ არა სასურველი მეზობელი ასეთ რეიტინგში, მაგრამ ქველმოქმედების კანონმდებლობა არის ერთ-ერთი მნიშვნელოვანი კომპონენტი, რომელიც განსაზღვრავს ქველმოქმედების ხარისხს. ასე რომ, გამორიცხული არ არის, ჩვენი კანონმდებლობა ამ მიმართულებით ამის საშუალებას არ იძლეოდეს.

ლაშა ნოდია, გაზეთი "პრემიერი"

FaceBook