ავტომობილი მძღოლის გარეშე

სინგაპურის ქუჩებში უჩვეულო ავტომობილი გამოჩნდა, რომელმაც ყველას ყურადღება მიპყრო. საქმე ისაა, რომ ავტომობილის საჭესთან არავინ ზის. უცნაური სატრანსპორტო საშუალება, რომლითაც შესაძლებელია ერთდროულად 8 მგზავრის გადაყვანა, ქალაქის ქუჩებში 20კმ/სთ. სიჩქარით მოძრაობს.

იმისთვის, რომ იმგზავროთ ამ ავტომობილით, სპციალურ გაჩერებაზე არსებულ სენსორულ დისპლეიზე უნდა აირჩიოთ მარშრუტი. ელექტრომობილზე დამონტაჟებულია ოპტიკური კამერები, რომელიც გარემოს 3D-რუკას აღბეჭდავს. აღნიშნული საშუალებას აძლევს ელექტრომობილ Navia-ს, გვერდი აუქციოს დაბრკოლებებს, დარჩეს თავის სავალ ზოლში და აირიდოს ავტოსაგზაო შემთხვევა. როგორც კი ელექტრომობილი ასრულებს მარშრუტს, დასამუხტად ელექტრომამარაგების სადგურისკენ მიემართება.

ახალი სატრანსპორტო საშუალების ავტორები აცხადებენ, რომ ის ტრადიციულ საქალაქო ტრანსპორტზე 30-50%-ით იაფი იქნება.

პროექტის სრულყოფილი რეალიზებისთვის აუცილებლობას არ წარმოადგენს ლიანდაგების, საბაგირო ხაზის მშენებლობა ან გზის სტრუქტურის შეცვლა.

პროექტის ერთ-ერთი ავტორი სუბოდხომ მხაისალკარი აცხადებს, რომ ელექტრომობილი „მწვანე“ ტრანსპორტისა და ავტონომიური მართვის სფეროში ახალი გარღვევა იქნება.

FaceBook